HMD Global şirkəti özünün məşhur funksional telefonu Nokia 110 4G-nin yenilənmiş versiyasını elan edib.
HMD Global ucuz və istifadəsi asan telefonları ilə tanınır. Şirkət ötən il satışa çıxardığı Nokia 110 4G modelini yeniləyib. Nokia 110 4G (2024) sələfi ilə müqayisədə bəzi əhəmiyyətli təkmilləşdirmələr təklif edir.
Yeni Nokia 110 4G (2024) 2 düymlük ekranla gəlir. Keçən ilki model 1,77 düymlük ekrana malik olsa da, yeni modeldə ekran ölçüsü bir qədər böyük olub. Beləliklə, istifadəçilər menyularda naviqasiya və mesajlaşma zamanı daha rahat təcrübə əldə edə biləcəklər.
2024 modelində ekran ölçüsünün artmasına baxmayaraq telefonun ümumi ölçülərində ciddi dəyişiklik yoxdur. Bunun səbəbi HMD Global-in çərçivələri daha da daraltmasıdır.
Bundan əlavə, telefonun plastik korpusuna cızıqlara qarşı müqaviməti artıran keramika örtüyü vurulub. Yeni rəng keçid dizaynı da telefona müasir görünüş verir.
Nokia 110 4G (2024) 128 MB RAM və 64 MB daxili yaddaşa malikdir. microSD kart dəstəyi sayəsində yaddaş yerini genişləndirmək mümkündür.
Telefon 1000 mAh batareya ilə təchiz edilib və USB Type-C şarjını dəstəkləyir. Arxaya baxan kamera da var. Bununla belə, HMD Global hələlik kameranın texniki xüsusiyyətlərini açıqlamayıb.
Nokia 110 4G (2024) smartfonunun qiyməti və buraxılış tarixi hələ məlum deyil.
Mənbə: EnSonHaber