Bugun.tv xəbər verir ki, Norveçin cənub-şərqində Laagen çayı üzərindəki dəmir yolu körpüsü güclü yağışlar səbəbindən uçub.
Ölkənin dəmir yolu infrastrukturuna məsul olan BaneNOR şirkətinin açıqlamasına görə, Laagen çayı üzərindəki polad dəmir yolu körpüsü leysan yağışlardan sonra suyun səviyyəsinin qalxması nəticəsində çöküb.
Qurumun rəsmisi Eivind Bjurstrom 1957-ci ildə tikilmiş körpünün dəymiş ziyanını araşdırarkən heç bir canlıya zərər verilmədiyini qeyd edib.
Xatırladaq ki, 172,5 metr uzunluğundakı körpü uçma riskinə qarşı bir həftə əvvəl istifadəyə verilib.
Norveçin cənubunda yerləşən Braskereidfoss Su Elektrik Stansiyası avqustun 10-da ölkədə təsirli olan “Hans fırtınası”nın yaratdığı güclü yağış, torpaq sürüşməsi və daşqınlar səbəbindən qismən dağılıb.
“Hans” qasırğası səbəbindən Norveçin cənubunda 5 mindən çox insan təxliyə edilib.
Ölkədə daşqınlara səbəb olan fırtına nəqliyyatın hərəkətini dayandırıb və elektrik enerjisinin kəsilməsinə səbəb olub.