“Miroslavetsdəki 12-ci PUA bazasında həyata keçirilən sınaqlar uğurla başa çatıb”.
Bugun.tv xəbər verir ki, bu fikirləri hərbi ekspert Ədalət Verdiyev facebook hesabında paylaşım edib.
Onun sözlərinə görə, ötən ilin yazında Polşa Türkiyədən 24 ədəd “Bayraktar” pilotsuz uçuş aparatından ibarət 4 kompleksin alınmasına dair müqavilə imzalayıb. 6 ədəd “Bayraktar”-dan ibarət ilk dəst 2022-ci ilin oktyabrında Polşaya çatdırılıb. “Onlar tank əleyhinə raketlərlə silahlanıblar. Polşa pilotsuz uçuş aparatları ilə yanaşı, “logistika və təlim paketləri” də, eləcə də texniki xidmət üçün avadanlıqlar alıb. Müqavilənin ümumi dəyəri 270 milyon dollar təşkil edib”,- hərbi ekspert əlavə edib.