Kremlin sözçüsü Dmitri Peskov ABŞ prezidenti Donald Trampın Rusiya prezidenti Vladimir Putinlə görüşmək istədiyi barədə açıqlamasını dəyərləndirib. Mətbuat konfransında danışan Peskov bildirib ki, Moskva Vaşinqtonla nüvə tərksilahı üzrə danışıqlara hazırdır.
“Biz ölkələrimizin və bütün dünya xalqlarının rifahı naminə danışıqlar prosesinin mümkün qədər tez başlamasında tamamilə maraqlıyıq”, – Peskov bildirib.
Mövcud vəziyyətdə bütün nüvə imkanlarının nəzərə alınması lazım olduğuna işarə edən Peskov, “Fransa və İngiltərə başda olmaqla, nüvə imkanları nəzərə alınmadan görüş keçirilməsi mümkün deyil” deyib.
Trampın Milli Təhlükəsizlik Müşavirliyinə namizədliyini irəli sürdüyü Mike Waltz bu yaxınlarda Putin və Tramp arasında görüşə hazırlıqların davam etdiyini və söz mövzusu telefon danışığının yaxın gün və ya həftələrdə reallaşacağını bildirib. Trampla Putinin görüşü ilə bağlı sualı cavablandıran Vals, “Ən azı yaxın günlərdə və ya həftələrdə görüş gözləyirəm” deyib. “Bu bir addım olacaq və bundan sonra nə olacağını görəcəyik” deyib.
Mənbə: TgrtHaber