Bugun.tv xəbər verir, Türkan qəsəbəsindəki çimərlikdən “Ford” markalı avtomobilin qaçırılması barədə Xəzər RPİ-nin 1-ci Polis Şöbəsinə məlumat daxil olub.
Hadisə ilə bağlı Polis əməkdaşları tərəfindən əməliyyat-axtarış tədbirləri keçirilib. Axtarış nəticəsində nəqliyyat vasitəsini qaçırmaqda şübhəli bilinən şəxs Maştağa qəsəbəsi ərazisində avtomobillə saxlanılıb. Onun Bakı şəhər sakini, əvvəllər də məhkum olunmuş Mütəllim Məmmədov olduğu müəyyən edilib.
Xəzər Rayon Polis İdarəsində araşdırma aparılır.
Daha bir avtomobil oğurlanması hadisəsi olub. Bele ki Naxçıvan şəhəri ərazisindən “Audi” markalı avtomobilin qaçırılması barədə polisə məlumat daxil olub.
Naxçıvan ŞPİ 1-ci Polis Bölməsinin əməkdaşları tərəfindən araşdırmalarlar aparılıb. Araşdırma zamanı avtomobilin şəhər sakinləri Rəhman Həsənov və bir yeniyetmə tərəfindən qaçırılması aşkarlanıb. Daha sonra maşını darə edilərkən “QAZ-3110” markalı avtomobilə vurulması müəyyən olunub.
Nəqliyyat vasitəsini qaçırmaqda şübhəli bilinən R.Həsənov və həmin yeniyetmə saxlanılıblar. Araşdırma aparılır.
Binəqədi RPİ 6-cı Polis Bölməsi əməkdaşlarının keçirdikləri əməliyyat-axtarış tədbiri nəticəsində Binəqədi qəsəbəsi ərazisindən Bakı şəhər sakini İ.Xəlilinin “Tufan M50” markalı motosikletini oğurlamaqda şübhəli bilinən bir yeniyetmə müəyyən olunaraq saxlanılıb.
Araşdırma aparılır.