2023-cü ilin sentyabr ayında Azərbaycan Respublikasının Silahlı Qüvvələri tərəfindən keçirilən lokal antiterror əməliyyatı zamanı qəhrəmancasına şəhid olmuş Həmidli Mikayıl Vüqar oğlunun doğum günü ilə bağlı Nərimanov rayon İcra Hakimiyyətinin Başçısı Elgin Həbibullayev, YAP Nərimanov rayon təşkilatının sədri Elçin Quliyev, Milli Məclisin deputatı Hikmət Məmmədov, Nərimanov Bələdiyyəsinin sədri Təmraz Tağıyev və rayonun ictimaiyyət nümayəndələri tərəfindən şəhidin II Fəxri Xiyabanda yerləşən məzarı ziyarət edilib, xatirəsi ehtiramla anılıb, məzarı üzərinə gül dəstələri qoyulub, ruhuna dualar oxunub.
Çıxış edənlər Vətən yolunda canlarını fəda edən şəhidlərimizin xatirəsinin heç vaxt unudulmayacağını bildiriblər.
Şəhidin ailə üzvləri göstərilən diqqətə, qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Sonra şəhidin adına açılmış ehsan süfrəsində iştirak edilib.
