Bugun.tv xəbər verir ki, Sumqayıt ŞPİ 1-ci Polis Bölməsi əməkdaşlarının daxil olan məlumat əsasında əməliyyat keçirilib. Nəticədə mayın 30-da 10-cu mikrorayon ərazisində yerləşən mağazaların birindən mobil telefon oğurlamaqda şübhəli bilinən Sumqayıt şəhər sakini, əvvəllər məhkum olunmuş Bəhrəm Binyətov müəyyən olunaraq saxlanılıb.
Daxili İşlər Nazirliyinin məlumatına görə, digər bir oğurluq faktı isə Sabunçu rayonunda qeydə alınıb. Zabrat-1 dəmir yolu dayanacağının pilləkənlərinə quraşdırılan məhəccərlərin qeyri-aşkar şəraitdə oğurlanması barədə polisə məlumat daxil olub.
Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən iki yeniyetmə saxlanılıb.
Sadalanan faktlarla bağlı araşdırma aparılır.