Sudanın yarım hərbiləşdirilmiş Çevik Dəstək Qüvvələri Omanın Xartumdakı səfirliyinin binasını ələ keçirib. Eyni zamanda, diplomatik nümayəndəliyə məxsus avtomobili oğurlayıb.
Bugun.tv xəbər verir ki, bu barədə Sudan Silahlı Qüvvələri bildirib.
Ancaq məsələ ilə bağlı Oman hakimiyyəti və Çevik Dəstək Qüvvələri hələlik heç bir şərh verməyib.
Xatırladaq ki, aprelin 15-dən Xartumda ordu ilə Çevik Dəstək Qüvvələri arasında qarşıdurmalar başlayıb. Toqquşmalar zamanı yüzdən çox insan həyatını itirib.
Mənbə: TASS