ABŞ-ın məşhur sağlamlıq portalı Healthline Ramazan ayında oruc tutanlar üçün susuzluğun qarşısını almaqla bağlı tibbi tövsiyələri dərc edib. Məqalədə bildirilir ki, uzun saatlar ərzində qida və maye qəbul edilməməsi baş ağrısı, halsızlıq və diqqət azalmasına səbəb ola bilər.
Mütəxəssislər iftar və sahur arasında kifayət qədər su içməyin vacibliyini vurğulayır. Tövsiyəyə görə, maye qəbulu birdəfəyə deyil, mərhələli şəkildə edilməlidir. Şəkərli və kofeinli içkilər isə bədəndə maye itkisini artıra bilər.
Həkimlər sahurda duzlu və həddindən artıq ədviyyəli qidalardan uzaq durmağı, zülal və lif baxımından zəngin qidalara üstünlük verməyi məsləhət görür. Xüsusilə tərəvəzlər, qatıq, yumurta və tam taxıllar gün ərzində toxluq hissini daha uzun müddət qorumağa kömək edə bilər.
Məqalədə həmçinin xroniki xəstəliyi olan şəxslərə oruc tutmazdan əvvəl həkimlə məsləhətləşmək tövsiyə olunur.
Mənbə: World News