İspaniya polisi bioloji ana ilə sonsuz bir cütlük arasında qanunsuz razılaşma aşkar edib. Belə ki, Ana körpəni həmin cütlüyə öz doğmaları kimi qeydiyyata saldırmaq üçün saxta sənədlər hazırlamağa cəhd edib.
Ölkənin cənubundakı Əndəlüs muxtar hökumətinin açıqlamasına görə, polis Malaqa şəhərində xəstəxana və vətəndaşlıq vəziyyəti aktlarının qeydiyyatı qeydlərində qanunsuzluqlar və uyğunsuzluqlar aşkar edib.
Həmçinin polis saxtakarlığın və yeni doğulmuş körpənin 3000 avroya satılmasının qarşısını alıb.
Məlumata görə, uşaq sahibi ola bilməyən cütlüyə və bioloji anaya qarşı məhkəmə iddiası qaldırılıb.
Körpə qız Andəlüs muxtar hökuməti ilə əlaqəli sosial rifah müəssisəsinin himayəsinə götürülüb.
Mənbə: Trthaber.com