Bugun.tv xəbər verir ki, İstanbulun Güngören qəsəbəsində özəl xəstəxananın üst mərtəbəsində yanğın baş verib. Çaxnaşmaya səbəb olan yanğın yanğınsöndürmə briqadalarının müdaxiləsi ilə nəzarətə götürülüb. Həznədar məhəlləsi, Bağcılar küçəsində yerləşən 7 mərtəbəli özəl xəstəxananın üst mərtəbəsində lazer epilyasiya xidmətlərinin göstərildiyi hissədə naməlum səbəbdən yanğın baş verib.
TRT Haber-in məlumatına görə, xəbər verildikdən sonra hadisə yerinə polis və çoxlu sayda yanğınsöndürmə briqadası göndərilib.
Ətraf rayonlardan gələn yanğınsöndürmə briqadalarının müdaxiləsi ilə yanğın nəzarətə götürülərək söndürülüb.