Pakistanın Əfqanıstan sərhədində yerləşən Xeybər Paxtunxva əyalətində təhlükəsizlik qüvvələrinə qarşı bombalı avtomobillə hücum həyata keçirilib. Hadisə əyalətin Bajaur bölgəsində, təhlükəsizlik qüvvələrinin yerləşdiyi nəzarət-buraxılış məntəqəsində baş verib.
Məlumata görə, bomba yüklənmiş avtomobilin partladılması nəticəsində 10 nəfər həyatını itirib. Partlayışdan sonra nəzarət məntəqəsi tamamilə dağılıb və bəzi təhlükəsizlik əməkdaşlarının həmin dağıntıların altında qaldığı bildirilib.
Hadisə yerində axtarış-xilasetmə işləri davam etdirilir. Hücumu hansı qruplaşmanın təşkil etdiyi isə hələlik məlum deyil.
Xeybər Paxtunxva əyalətinin baş naziri Sohail Afridi baş verən terror hücumunu pisləyib və hadisə ilə bağlı araşdırmaların aparıldığını qeyd edib.
Mənbə: Ensonhaber