Ötən aydan bəri Pakistanın şərqini və Hindistanın şimalını bürüyən sıx və zəhərli tüstü NASA-nın peyk görüntülərində aydın görünür. Pəncab bölgəsindən Hindistanın paytaxtı Yeni Dehliyə yayılan bu boz tüstü təbəqəsi milyonlarla insanın sağlamlığını təhdid edib.
Pakistan hakimiyyəti havanın çirklənməsinin əhalinin sağlamlığına mənfi təsirləri səbəbindən məktəbləri və ictimai yerləri bağlamaq qərarına gəlib. Həftə sonu Lahor və Multandan çəkilmiş görüntülərdə sıx tüstünün şəhəri bürüdüyü, küçələri və binaları demək olar ki, görünməz hala gətirdiyi görünür.
Cənubi Asiyada qış aylarında kənd təsərrüfatı tullantılarını yandıran fermerlər, kömürlə işləyən elektrik stansiyaları, sıx nəqliyyat və küləksiz hava şəraiti səbəbindən havanın çirklənməsi artır. Bu dövrdə soyuq və quru hava çirkliliyi tutur və atmosferə yayılmasının qarşısını alır.
Təəccüblü dərəcədə təhlükəli dəyərlər Bu mövsüm Lahorda hava keyfiyyəti indeksi 1200-ü keçərək “təhlükəli” hesab edilən səviyyələrə çatıb. Pəncabın müxtəlif yerlərində 1000-dən çox ölçmə də qeydə alınıb. Ümumdünya Səhiyyə Təşkilatının təhlükəsiz hesab etdiyi hədddən 110 dəfə yüksək olan PM2.5 səviyyələri bu çirklənmənin ən təhlükəli komponentlərindən biridir. Nəfəs aldıqda bu hissəciklər ağciyərlərə çataraq ürək və ağciyər xəstəliklərinə, xərçəngə və digər tənəffüs problemlərinə səbəb ola bilər. Zəhərli tüstünün təsiri ilə 30 mindən çox insan tənəffüs yolları xəstəliklərindən müalicə olunur, xəstəxanalar və klinikalar tənəffüs problemlərindən əziyyət çəkən xəstələrlə dolur. Pəncab səhiyyə rəsmiləri, Associated Press-in məlumatına görə, tüstüdən təsirlənən bölgələrdə 30,000-dən çox insanın tənəffüs xəstəliklərindən müalicə edildiyini açıqlayıb.
Mənbə: TGRT