Katoliklərin ruhani lideri və Vatikanın prezidenti Papa Fransisk ənənəvi Milad mesajında dünyada zorakılığa son qoymağa çağırıb. Katoliklərin ruhani lideri və Vatikanın prezidenti Papa Fransisk Vatikan Dövlətində Milad mərasimi keçirib.
Roma Papası Müqəddəs Pyotr Bazilikasında eyniadlı meydana baxan lojasında dünya hadisələri ilə bağlı Milad mesajını çatdırdığı ənənəvi “Urbi et Orbi (Roma və dünya)” çıxışını edib.
Papa Fransisk dünyada zorakılığa son qoymağa çağırıb.
Papa çıxışında xüsusilə Qəzzada yaranmış ağır vəziyyətlə bağlı “Atəşkəs əldə olunsun, girovlar azad olunsun, aclıq və müharibədən bezmiş insanlara kömək göstərilsin” deyib.
Ukraynada daimi sülhü təmin etmək istəyən Papa, “Müharibə şəraitində olan Ukraynada silah səsləri sussun. “Qoy ədalətli və davamlı sülhə gətirib çıxaracaq danışıqlara qapı açmaq üçün lazım olan cəsarət təmin edilsin” deyib.
Yaxın Şərq ölkələrinə diqqət çəkən Roma Papası Livan və Suriyada keçid dövrünün ortalarında xristian icmaları ilə bağlı “qarşıdurmalarla viran qalan bütün bölgələrdə dialoq və sülh qapılarının açılmasını” arzulayıb.
Papa Konqo Demokratik Respublikası, Burkina Faso, Mali, Niger və Mozambik kimi Afrika ölkələrində sağlamlıq problemlərinin, bölgədəki qarşıdurmaların və iqlim dəyişikliyinin təsirlərinin milyonlarla insanı didərgin saldığını və onların həyatını itirməsinə səbəb olduğunu bildirib.
Haiti, Venesuela, Kolumbiya və Nikaraquaya müraciət edən Roma Papası siyasi rəsmiləri və ictimaiyyəti bu ölkələrdəki “siyasi parçalanmalara” son qoymaq üçün birgə fəaliyyət göstərməyə dəvət edib.
Papa davam edən qarşıdurmaların böyük iztirablara səbəb olduğu və bir çox insanı didərgin saldığı Myanma xalqı üçün də dua edib.
Mənbə: EnSonHaber