“Ermənistanda Qarabağ məsələsini N. Paşinyan qəsdən gündəmə gətirir”.
Bu barədə məlumatı siyasi ekspert Məhəmməd Əsədullazdə öz sosial media hesabında paylaşıb.
Ekspertin fikrincə, hədəf Qərbi Azərbaycan məsələsidir. Keçmiş separatçılardan Samvel Babayan isə Qarabağ məsələsinin unudulmadığını və gündəmdə olduğunu bildirib. Eyni zamanda, Avropa İttifaqı ilə Ermənistan arasında imzalanan strateji sənəddə Qarabağdan köçən ermənilərlə bağlı bənd N. Paşinyanın Azərbaycana qarşı siyasi oyunu kimi qiymətləndirilir. Məqsəd rəsmi Bakını Qərbi Azərbaycan məsələsini siyasi gündəmdən çıxarmağa yönəltməkdir.
Ötən həftə N. Paşinyan qarşılıqlı sənəd imzalayaraq Qarabağ və Qərbi Azərbaycan məsələsindən imtina təklifini irəli sürüb. Ermənistan üçün Qarabağ məsələsi ərazi iddiaları ilə bağlıdır, Qərbi Azərbaycan məsələsi isə ərazi məsələsi deyil. N. Paşinyan ara-sıra nəzarətindəki bəzi şəxslər vasitəsilə Qarabağ məsələsini gündəmdə saxlayaraq Azərbaycanla sənəd imzalamağa çalışır. Məhz ekspert bu sənədin əhəmiyyəti və məqsədini sual altına alır.