Bugun.tv xəbər verir ki, Bakıda yanğın olub. Hadisə Yasamal rayon Mirəli Seyidov küçəsi 33 ünvanında baş verib.
“Musabəyov” kimi tanınan park ilə üzbəüzdə, “Rich Plaza”nın yuxarı mərtəbəsində yerləşən mənzillərdən biri alovlanıb.
![Yasamalda yanğın](https://bugun.tv/wp-content/uploads/2023/09/yanginsonur.jpg)
Hadisə yerinə Fövqəladə Hallar Nazirliyinin Yasamal rayonu üzrə əməkdaşları cəlb olunub.
Ərazidəki avtomobillərin çoxluğu və alovun yuxarı mərtəbədə baş verməsi yanğınsöndürənlərin işini çətinləşdirib.
Hadisənin hansı səbəbdən baş verməsi hələlik məlum deyil.
![Rich Plazanın binası yandı](https://bugun.tv/wp-content/uploads/2023/09/Richi-1.jpg)
Hazırda yanğının söndürülməsi işləri davam etdirilir.