Bugun.tv xəbər verir ki, Fransada pensiya müddətini 2 il artıran islahatla bağlı qaydalar rəsmi olaraq qüvvəyə minib.
Ensonhaberin məlumatına görə, pensiya yaşının 62-dən 64-ə qaldırılmasını nəzərdə tutan tənzimləmə ilə bağlı fərmanlar rəsmi qəzetdə dərc olunub.
Ölkə daxilində kütləvi etirazlara və gərgin müxalifətə baxmayaraq, parlamentdə səsvermə olmadan qəbul edilən qanunun geri götürülməsini nəzərdə tutan qanun layihəsi iyunun 8-də Milli Məclisdə müzakirəyə çıxarılacaq.
Xatırladaq ki, sözügedən yaşın artırılması ilə bağlı fərman həmkarlar ittifaqlarının qərarı ilə iyunun 6-da 14-cü dəfə keçiriləcək kütləvi etiraz aksiyalarından iki gün əvvəl verilib.
Müxbir: Şəms Elnurqızı