Bugun.tv xəbər verir ki, Kremlin mətbuat katibi Dmitri Peskov Rusiyanın hərbi xidmətə yararlı vətəndaşlarının xaricə çıxışına məhdudiyyətlər qoyması ilə bağlı yayılan xəbərləri təkzib edib.
“Bu, adi informasiya “ördəyi” informasiya təxribatıdır, belə deyək”, – Kreml sözçüsü izah edib.
Daha əvvəl Ukrayna KİV-i Ukrayna Müdafiə Nazirliyinin Baş Kəşfiyyat İdarəsinə istinadən məlumat yaymışdı ki, guya 2023-cü il yanvarın 9-dan Rusiya Federal Təhlükəsizlik Xidməti öz sərhəd bölmələrinə ölkə ərazisindən kənara çıxa bilən vətəndaşları məhdudlaşdırmaq barədə göstəriş verib.
Daha əvvəl Kremlin sözçüsü “Telegram”da hər kəsi Rusiyada səfərbərliyin davam etdirilməsi ilə bağlı mesajlara əhəmiyyət verməməyə çağırıb. O xatırladıb ki, əsas ilkin məlumat mənbəyi Rusiya Federasiyasının hakimiyyət orqanları və prezidentdir.
Mənbə: Vesti.ru