Bugun.tv xəbər verir ki, ötən gün Rusiyanın inzibati mərkəzi olan Kreml Sarayına pilotsuz təyyarələrin müəmmalı hücumu ilə bağlı müzakirələr davam edir.
Kiyev məsuliyyəti rədd edib, Moskva isə ABŞ-ı günahlandırıb.
Ukrayna administrasiyasının “bizimlə heç bir əlaqəsi yoxdur” bəyanatlarına məhəl qoymayan Moskva bu gün də insidentə görə həm Ukraynanı, həm də ABŞ-ı günahlandırmağa davam edib.
Kremlin sözçüsü Dmitriy Peskov Kiyevlə yanaşı, Kremlə də hücum cəhdinin arxasında Vaşinqtonun olduğunu deyib: “Kiyev və Vaşinqtonun hadisə ilə heç bir əlaqəsi olmadığını bildirməsi gülüncdür. Biz yaxşı bilirik ki, Kiyev rejimi təkbaşına Rusiyanın paytaxtı Moskvanın göbəyində yerləşən Kreml Sarayına hücum barədə qərar verə bilməz. Hadisənin arxasında əsl məsul şəxs hücumu əmr edən ABŞ-dır” – deyə o vurğulayıb.
Mənbə: hurriyyət.tr