Filosofun bədən və ruhun harmoniyasına dair mülahizələri tibbdə tez-tez insanlara emosional vəziyyətin və şüurun vacibliyini xatırlatmaq üçün istifadə olunur.
Platonun emosional sağlamlığı qorumaq üçün 10 müdrik məsləhəti
“Sağlamlığa diqqət həyat üçün ən böyük maneədir”. Platon hesab edirdi ki, sağlamlığa həddindən artıq diqqət insanı daha vacib işlərdən yayındırır.
“Cismin və ruhun xəstəliklərini dərmanlarla müalicə etmək yanlışdır. Hər ikisinin həkimləri olsa da, biz insan olaraq öz ruhumuza düzgün və vaxtında qayğı göstərsək bir çox hallarda cismimiz də xəstələnməz. Baxmayaraq ki, bu iki cəhəti bir-birindən ayırmaq olmaz” deyən Platon burada fiziki və psixi sağlamlığı birləşdirən vahid yanaşmadan danışıb.
“Biz özümüzdən canlı tullantılar düzəltdik və həkimləri xəstəliklərimiz üçün adlar tapmağa məcbur etdik.” Platon, həyat tərzinin sağlamlığa təsir etdiyini, tibbdən müalicəyə yeni yanaşmalardan istifadə etməyi tələb etdiyini müdafiə edib.
“Bir çox xəstəliklərin dərmanı həkimlərə məlum deyil, çünki onlar bütünü bilmirlər… Bütöv sağlam olmasa, hissələr sağlam ola bilməz”.
Platon bir daha sağlamlığa vahid baxışın vacibliyini vurğulayıb.
“Həqiqətdən qaçanda özümüzü aldadırıq və bu, bizi sağlam bədən və zehnimizdən məhrum edir.” Bu fikir Platonun sağlamlığa fəlsəfi münasibətini əks etdirir, onu insanın mənəvi durumuna bağlayır.
“Bədən ruhun həbsxanasıdır.” Platonun nöqteyi-nəzərindən fiziki bədən mənəvi istəkləri məhdudlaşdıra bilər və ağlın sağlamlığı və inkişafı arzusu bu məhdudiyyətləri dəf etməyə imkan verir.
“Ruh üçün əsas şey harmoniya tapmaqdır, bu sağlamlığın əsasıdır.” Bu sitat Platonun daxili və fiziki sağlamlığa nail olmaq üçün bir vasitə kimi harmoniya ideyasına aiddir.
“Ağıl pozulduğu halda bədən nizamlı ola bilməz.” Platon vurğulayırdı ki, ağıl və bədən bir-biri ilə sıx bağlıdır və psixi sağlamlığın qayğısına qalmaq bədənin ümumi sağlamlığı üçün vacibdir.
“Ən çox ruhun qayğısına qalmaq lazımdır, çünki o, bədənə təsir etməlidir.” Platon hesab edirdi ki, fiziki sağlamlıq insanın daxili vəziyyətindən başlayır, bu da daim təkmilləşməni tələb edir.
“Ruhdakı ədalət bədəndəki sağlamlıq kimidir.” Platon ədalətlə fiziki sağlamlıq arasında paralel apararaq, insanın rifahı üçün daxili harmoniyanın vacibliyini nəzərdə tutub.
Nə üçün Platonun məsləhətinə qulaq asmağa dəyər?
Platon qədim yunan filosofu, Sokratın tələbəsi və Aristotelin müəllimi, Afinada Akademiya kimi tanınan fəlsəfə məktəbinin banisi idi. Onun əsərləri metafizika və siyasətdən tutmuş etika və biliyin təbiətinə qədər geniş mövzuları əhatə edir və Qərb fəlsəfəsinin əsaslarını qoyur. Platon iddia edirdi ki, ruhun və bədənin rasional və harmonik inkişafı sağlamlıq və rifahın açarıdır və bu fikir onun sağlamlığa yanaşmasını bu gün aktual edir.
Onun bədən və ruhun harmoniyasına dair fikirləri fəlsəfədə və tibbdə insan həyatında emosional vəziyyətin və şüurun əhəmiyyətini xatırlatmaq üçün tez-tez istifadə olunurdu. Məsələn, Platonun dialoqlarında sağlam həyat tərzi haqqında müasir fikirlərə bənzəyən mötədilliyə, rasional düşüncəyə və balanslaşdırılmış qidalanmaya ehtiyac haqqında fikirlərə rast gəlmək olar.
Filosof həmçinin fiziki məşqlərin əhəmiyyətindən, harmoniyanın psixi vəziyyətdə rolundan və özünü tərbiyə etmə gücündən danışıb. Bu fikirlər müasir insan üçün faydalı ola bilər, çünki sağlamlığa harmoniya və daxili tarazlıq baxımından baxmaq imkanı verir.
Mənbə: mail.ru