Pakistanın Hayber Paxtunxva əyalətində peyvənd aparanlara silahlı hücum edilib. Hücum nəticəsində 2 polis əməkdaşı həyatını itirib. Pakistanın Hayber-Paxtunxva əyalətinin Orakzai bölgəsində poliomielit xəstəliyinə qarşı peyvənd edən qrupa silahlı hücum edilib. Hücumda peyvənd qrupunu qoruyan 2 polis, qarşıdurmada isə 3 təcavüzkar həyatını itirib. Hücum edənlərdən biri saxlanılıb.
Effektiv peyvənd kampaniyaları sayəsində bir çox ölkədə aradan qaldırılan və ya xeyli azalan poliomielit halları hazırda peyvənd əldə etmək imkanının məhdud olduğu Əfqanıstan və Pakistanda baş verməkdə davam edir. Pakistanda tibb işçilərinə qarşı tez-tez hücumlar peyvənd kampaniyalarını pozur.
Pakistan sentyabr ayında poliomielit əleyhinə peyvənd kampaniyasına başlayıb və 30 milyon uşağın peyvənd ediləcəyini açıqlayıb.
Mənbə: TGRT