Bugun.tv xəbər verir ki, hadisə Konyanın Səlçuklu rayonunda baş verib. Təqaüddə olan polis 55 yaşlı Salim Özçelik həyat yoldaşı Semranı, qızı Aslıhan və oğlu Mehmeti tapança ilə güllələyib.
Hadisə səhər saat 07:30 radələrində Beyhekim Mahallesi, Ali Dəmirtaş küçəsində qeydə alınıb. Bir ay əvvəl polisdən təqaüdə çıxan Salim Özçelik həyat yoldaşı Semra, 20 yaşlı qızı Aslıhan və 24 yaşlı oğlu Mehmet Özçelikə naməlum səbəbdən atəş açıb.
Hadisə yerinə polis və həkim briqadası gəlib. Yaralılardan 50 yaşlı Semra Özçelik, Səlcuq Universiteti Tibb Fakültəsi Xəstəxanasına, övladları isə Beyhekim Təhsil və Araşdırma Xəstəxanasına aparılıb. Ananın vəziyyətinin ağır olduğu bildirilib. Salim Özçelik polis qrupları tərəfindən saxlanılıb. Faktla bağlı cinayət işi açılıb.
Mənbə: Hüriyyet