Bugun.tv xəbər verir ki, ABŞ-da Çikaqonun Mülki Polis İdarəsi (COPA) martın 21-də West Garfield Park ərazisində baş verən ölümcül münaqişə ilə bağlı polisin görüntülərini paylaşıb.
Dörd polis məmuru ağ rəngli SUV tipli avtomobili mühasirəyə alaraq 26 yaşlı Ridə “qapını aç” deyə qışqırıblar, bundan sonra onlarla silah səsləri eşidilib. COPA-nın ilkin hesabatında Ridin silahından ilk atəş açdığı və daha sonra polisin cavab verdiyi bildirilsə də, ictimaiyyətə açıqlanan görüntülərdə bu aydın deyildi.
Xəstəxanaya aparılan Ridin öldüyü, bir polis əməkdaşının isə biləyindən yaralandığı bildirilib. Polis münaqişələrini araşdırmaq səlahiyyətinə malik olan COPA təşkilatı, şübhəli qaradərili gəncə 41 saniyə ərzində 96 güllə atan polis məmurlarının istintaq tamamlanana qədər vəzifələrindən uzaqlaşdırılmasını istəyib.