“Birmənalı şəkildə bu terror aktı İranın terrorçu mahiyyətini növbəti dəfə ifşa etmiş oldu. Təəssüflər olsun ki, İran indiyə qədər Azərbaycan əleyhinə həm informsiya sahəsində, həm də digər sahələrdə terror hücumlarının qarşısını almayıb. Azərbaycanın dövlət modeli əleyhinə açıq çağırışlar edən terrorçu qafalı şəxslərin, Azərbaycanın Hüquq Mühafizə Orqanları tərəfindən axatrışa verilən adamların bu gün də İran ərazisindən ölkəmiz əleyhinə açıq çağırışlar etməsi qəbuledilməzdir”.
Bu sözləri Bugun.tv-yə politoloq Tural İsmayılov deyib.
Politoloq bildirdi ki, İran bu məsələdə növbəti dələduzluq edib.
“Hadisədən izi yayındırmaq üçün ortaya saxta ittihamlar atmağa çalışır. İstənilən halda, Azərbaycan səfirliyinə qarşı həyata keçirilən bu terror hücumuna görə İran məsuliyyət daşıyır.
Ən qısa zamanda obyektiv, hərtərəfli və hadisənin əsas mahiyyətini izah edən açıqlama verməlidir!”