Rusiya pilotsuz uçuş aparatının (PUA) Polşanın hava məkanını pozmasından sonra Polşa ordusu həyəcan təbili çalıb.
Polşa Rusiyaya məxsus intiharçı pilotsuz təyyarənin onun hava məkanını pozaraq ərazisinə düşdüyünü açıqlayıb.
Polşa Silahlı Qüvvələri Əməliyyat Komandanlığı Rusiyanın Tu-95 tipli bombardmançı təyyarələrinin havaya qalxmasının ardından verdiyi açıqlamada, Rusiyanın Ukraynaya qarşı artan hava əməliyyatlarına cavab olaraq Polşa təyyarəsinin ölkənin cənub-şərqində havaya qalxdığını bildirib.
Açıqlamada təhlükəsizliyin təmin edilməsi üçün bütün lazımi tədbirlərin görüldüyü qeyd edilib.
Bildirilib ki, Rusiyanın Tu-95 tipli bombardmançı təyyarələrinin havaya qalxması ilə əlaqədar bütün Ukrayna ərazisində hava hücumlarına qarşı sirenlər çalmağa başlayıb.
Rusiya Müdafiə Nazirliyi səhər saatlarında uzun mənzilli, yüksək dəqiqliyə malik silahlar və pilotsuz uçuş aparatları (PUA) ilə Ukraynanın enerji elementlərinə qarşı hücum həyata keçirdiklərini açıqlayıb.
Mənbə: İLKHA