Azərbaycan prezidenti İlham Əliyev həmkarı Tunis Respublikasının Prezidenti Zati-aliləri cənab Kays Sayidi təbrik edib.
Təbrikdə deyilir: “Hörmətli cənab Prezident, Tunis Respublikasının Prezidenti vəzifəsinə yenidən seçilməyiniz münasibətilə Sizi səmimi-qəlbdən təbrik edirəm.
İnanıram ki, Azərbaycan ilə Tunis arasında dostluq və əməkdaşlıq münasibətlərinin genişlənməsi və möhkəmlənməsi yolunda bundan sonra da birgə səylər göstərəcəyik.
Sizə möhkəm cansağlığı, xoşbəxtlik, dost Tunis xalqının rifahı naminə məsul fəaliyyətinizdə uğurlar arzulayıram.
Hörmətlə, İlham Əliyev Azərbaycan Respublikasının Prezidenti
Bakı şəhəri, 11 oktyabr 2024-cü il”.
Mənbə: prezident.az