Azərbaycan Respublikasının Prezidenti İlham Əliyev bu gün Gürcüstan Respublikasının Azərbaycandakı səfirliyinə gedərək başsağlığı verib.
Dövlət başçısı səfirlikdə Bütün Gürcüstanın Katolikos-Patriarxı II İlya həzrətlərinin vəfatı ilə əlaqədar matəm kitabına ürək sözlərini yazıb.
Prezident İlham Əliyevi səfir Zurab Pataradze qarşılayıb.
Görüş zamanı dövlət başçısı II İlyanın həyatını dini dəyərlərə və dinlərarası dialoqun inkişafına həsr etdiyini qeyd edib.
Prezident İlham Əliyev çıxışında mərhum patriarxın Azərbaycan-Gürcüstan dostluq münasibətlərinin möhkəmlənməsində mühüm rol oynadığını vurğulayıb. O, II İlyanın xatirəsinin Azərbaycanda hörmətlə anılacağını bildirib.
Səfir Zurab Pataradze isə Prezident İlham Əliyevin səfirliyə gələrək başsağlığı verməsini yüksək qiymətləndirib və təşəkkürünü ifadə edib.
Mənbə: prezident.az