Azərbaycan Respublikasının Prezidenti İlham Əliyev yanvarın 8-də “Xızı–Abşeron” Külək Elektrik Stansiyasının açılış mərasimində iştirak edib.
Məlumat verilib ki, ümumi gücü 240 meqavat olan bu stansiya ölkənin ən iri külək enerjisi layihələrindən biridir. Layihənin həyata keçirilməsi Azərbaycanın bərpa olunan enerji sahəsində potensialının artırılmasına, enerji təhlükəsizliyinin möhkəmləndirilməsinə və ətraf mühitin qorunmasına mühüm töhfə verəcək.
Açılış mərasimində çıxış edən dövlətimizin başçısı bərpa olunan enerji layihələrinin Azərbaycanın enerji strategiyasında xüsusi yer tutduğunu qeyd edib. Bildirilib ki, “Xızı–Abşeron” Külək Elektrik Stansiyası karbon emissiyalarının azaldılmasına və “yaşıl enerji” məqsədlərinə xidmət edir.
Stansiyanın fəaliyyəti nəticəsində minlərlə ev təsərrüfatının elektrik enerjisinə olan tələbatının ödəniləcəyi, həmçinin yeni iş yerlərinin yaradılacağı vurğulanıb.
Mənbə: prezident.az