Bugun.tv– xəbər verir ki, Prezident İlham Əliyev 20 minə yaxın məhkumu əhatə edəcək amnistiya aktı imzalayıb.
Bu barədə öz sosial media hesabında açıqlama verən siyasi ekspert Məhəmməd Əsədullazdə qeyd edib ki, bu amnistiya aktı yeni bir mərhələ kimi qiymətləndirilə bilər.
“Ölkədə real siyasi və hüquqi islahatların aparılması və sosial vəziyyətin yaxşılaşdırılması istiqamətində addımlar atılması labüddür.
Bu addım həm daxili siyasətdə, həm də beynəlxalq müstəvidə Azərbaycanın mövqeyini gücləndirə bilər. Avropa İttifaqı ilə əməkdaşlığın genişləndirilməsi, Qərblə normal münasibətlər sisteminə üstünlük verilməsi və Rusiyanın Ukraynada zəifləməsi fonunda Azərbaycan öz milli maraqlarına uyğun siyasət yürütməlidir”.
Məhəmməd Əsədullazadə həmçinin vurğulayıb ki, ölkənin Rusiya və İran kimi qonşularla sərhəd olması, həmçinin xarici təsirlərin artdığı şəraitdə, amnistiyadan sonra müxtəlif sahələrdə fundamental qərarların qəbul olunması qaçılmazdır.