Bugun.tv– xəbər verir ki, Sabunçu Gənclər Evində Ahəng Psixologiya Reabilitasiya İnkişaf Mərkəzinin, Təhsil İşçilərinin Həmrəyliyi Alyansının (TİHA) və Ahəng Psixoloji İnkişaf və Dəstək İctimai Birliyinin təşkilatçılığı ilə “Psixoloq, Pedaqoq və Təhsil İşçilərinin Təkmilləşdirilməsi Forumu”nda keçirilib.
Bu barədə Milli Məclisin deputatı Ceyhun Məmmədov öz sosial media hesabında paylaşım edib.
Millət vəkili qeyd edib ki, dorum çərçivəsində müasir təhsil mühitində pedaqoji yanaşmalar, müəllimlərin peşə bacarıqları və psixoloji dəstək mexanizmlərinin əhəmiyyəti ilə bağlı müzakirələr aparılıb.
Ceyhun Məmmədov çıxışı zamanı təhsil işçilərinin davamlı inkişafının vacibliyini, innovativ tədris metodlarının əhəmiyyətini və şagird–müəllim münasibətlərinin keyfiyyətinə təsir edən əsas məqamları vurğulayıb.
Eyni zamanda tədbir zamanı dəyərli ekspert görüşləri, faydalı fikir mübadiləsi, praktiki təcrübələr və peşəkar əlaqələr üçün geniş imkanlar təqdim olunub.
