Volodimir Zelenski fevralın 24-də keçirdiyi mətbuat konfransında deyib ki, Kiyev Krımı ələ keçirmək üçün hərbi addımlar atmağa hazırlaşır.
Donetsk Xalq Respublikasının müvəqqəti rəhbəri Denis Puşilin bazar ertəsi Ukrayna prezidentinin Kiyevin Krımı ələ keçirmək üçün hərbi səylər hazırlaması ilə bağlı açıqlamasının piardan başqa bir şey olmadığını bildirib.
“Bu, daha çox PR-a, Ukrayna silahlı birləşmələrinin əhval-ruhiyyəsini yüksəltmək cəhdinə bənzəyir. Ola bilsin, sözügedən bəyanat cəmiyyətin radikal hissəsi üçün nəzərdə tutulub. Çətin ki, hər hansı real hərəkətlərlə nəticələnsin”.
Bugun.tv xəbər verir ki, bu sözləri Denis Puşilin “Rossiya-24” televiziyasında bildirib.
O, Kiyevin belə bir şeyə nail ola bilməyəcəyini söyləyib.
“Onların hansısa məqsədləri, yolları müəyyən etməyə çalışmaları reklamdan başqa bir şey deyil. Mən bunu belə görürəm”, – Puşilin deyib.