ABŞ Birləşmiş Qərargah Rəislərinin keçmiş sədri Devid Petreus Litvanın Rusiyanın Ukraynadan sonra gözünün kəsildiyi ölkə olduğunu iddia edib.
ABŞ-ın keçmiş Baş Qərargah rəisi və Mərkəzi Kəşfiyyat İdarəsinin keçmiş direktoru Devid Petreus Rusiya ilə bağlı diqqətçəkən iddia ilə çıxış edib.
Petreusun sözlərinə görə, Rusiya Ukrayna ilə məhdudlaşmayacaq.
Əgər Moskva administrasiyası Ukraynadakı müharibədə uğur qazansa, o, Avropadakı NATO ölkəsini işğal edə bilər.
PUTİNİN GÖZÜ LITVADA
İngiltərənin paytaxtı Londonda keçirilən tədbirdə danışan Petreus, “Rusiya Qərbin qətiyyətini görmək və ya daha geniş hücumun xəbərçisi olaraq Baltikyanı ölkəyə hücum edə bilər” deyib.
Petreus, “Rusiyanın məqsədi Ukrayna lideri Vladimir Zelenskini vəzifəsindən uzaqlaşdırmaq və bütün Ukraynaya nəzarəti ələ keçirmək üçün bir kukla liderdən istifadə etməkdir. Bunu etdikdən sonra diqqətlərini Baltikyanı bir ölkəyə yönəldəcəklər. Diqqətlə dinləsəniz, Litvanın adını tez-tez çəkirlər” deyib.
Petreus Rusiya prezidenti Vladimir Putinə “davamlı olaraq ikinci şans verdiyini” iddia etdiyi ABŞ prezidenti Donald Trampı da tənqid edib. Keçmiş MKİ rəhbəri Trampın sələfi Co Baydeni Ukrayna qüvvələrini lazımi səviyyədə silahlandıra bilmədiyi üçün hədəfə alıb.
İngiltərənin paytaxtı Londonda “Policy Exchange” beyin mərkəzində danışan Petreus, ABŞ prezidentinin iki həftə ərzində “fərqli bir yanaşma tətbiq ediləcəyi ilə hədələdiyini” xatırladaraq, “Bu dəfə nə olacağını görəcəyik” deyib.
Keçmiş Mərkəzi Kəşfiyyat İdarəsinin rəhbəri həmçinin F-16 qırıcılarının Ukraynaya verilməli olduğunu müdafiə edib.
Mənbə: EnSonHaber