Rusiya prezidenti Vladimir Putin Rusiya Təhlükəsizlik Şurasının daimi üzvləri ilə hüquq-mühafizə orqanları tərəfindən idarə olunan obyektlərin terrorla mübarizə tədbirlərini müzakirə edib.
“Bizim bu gün müzakirə edəcəyimiz bir məsələ var, amma çox vacib məsələ – hüquq-mühafizə orqanları tərəfindən idarə olunan obyektlərin terrorizmdən mühafizəsi tədbirləri”, – deyə Putin Daxili İşlər nazirinin hesabatını qəbul etməzdən əvvəl iclası açaraq bildirib.
İclasda, həmçinin videokonfrans vasitəsilə Baş nazir Mixail Mişustin, Federasiya Şurasının sədri Valentina Matviyenko, Dövlət Dumasının sədri Vyaçelva Volodin, Təhlükəsizlik Şurasının sədr müavini Dmitri Medvedev, Prezident Administrasiyasının rəhbəri Anton Vayno, Daxili İşlər naziri Vladimir Kolokoltsev, Müdafiə naziri Sergey Şoyqu, Xarici Kəşfiyyat Xidmətinin rəhbəri Sergey Narışkin və Prezidentin ətraf mühitin mühafizəsi, ekologiya və nəqliyyat üzrə xüsusi nümayəndəsi Sergey İvanov iştirak ediblər