Kanadanın Toronto şəhərində Tesla markalı avtomobil yol qəzası zamanı qapılarını avtomatik kilidləyib. Nəqliyyat vasitəsində baş verən yanğın nəticəsində 4 nəfər həyatını itirib, yoldan keçən şəxsin şüşəni sındırması nəticəsində 1 nəfər xilas edilib. Kanadanın Toronto şəhərində baş verən qəzada Tesla markalı avtomobil yüksək sürətlə maneələrə çırpılıb. O zaman Tesla avtomatik olaraq qapılarını bağladı.
Avtomobildə baş verən yanğın nəticəsində 25 yaşlı Neelraj Qohil, onun 29 yaşlı bacısı Ketaba Qohil və onların dostları Cey Sisodiya və Diqvijay Patel faciəvi şəkildə dünyasını dəyişib.
Bir nəfər sağ qalıb
Avtomobildə olan 4 nəfər həyatını itirərkən, hadisə yerindən keçən poçt işçisi Rik Harperin sayəsində 20 yaşlarında bir qadın xilas edilib.
Harper yaxınlıqda tapdığı metal barla pəncərəni sındıraraq qadını son anda avtomobildən çıxara bilib. Harper, güclü tüstü səbəbindən avtomobildə başqa insanların olduğunu görə bilmədiyini söylədi.
Qəza zamanı elektrik kəsilməsi səbəbindən Tesla avtomobillərindəki elektron qapı sisteminin açılmadığı aydın olub. Mütəxəssislər Tesla istifadəçilərinə avtomobilin əl ilə açılma sisteminə malik olması barədə xəbərdarlıq ediblər. Lakin çox istifadə edilmədiyi üçün bəzilərinin bu xüsusiyyətdən xəbərsiz olduğu, qəza zamanı istifadənin məcburi olduğu bildirilib.
Mənbə: TrtHaber