ABŞ Prezidenti Co Bayden Qətər əmiri Şeyx Təmim bin Həməd Al Taniyə zəng edərək Qəzza zolağındakı vəziyyəti və Fələstin-İsrail münaqişəsinin həlli səylərini müzakirə edib.
Bugun.tv xəbər verir ki, bu barədə Qətərin QNA xəbər agentliyi məlumat yayıb.
Telefon danışığı zamanı, tərəflər Fələstin anklavında daimi atəşkəsə nail olmaq üçün birgə vasitəçilik səylərini müzakirə ediblər. Bundan əlavə, Qətər əmiri və ABŞ prezidenti ikitərəfli münasibətlərə dair məsələlər, həmçinin regional və beynəlxalq gündəliyin bəzi aspektləri barədə fikir mübadiləsi aparıblar.