Bugun.tv xəbər verir ki, ABŞ-da meşədə 8 yaşlı uşaq yoxa çıxandan iki gün sonra tapılıb. Kiçik uşağın qurumuş budaqların altında yatdığı və qar yeyərək sağ qaldığı öyrənilib.
Məlumata əsasən, Miçiqan ştatında ailəsi ilə düşərgə salan 8 yaşlı Nante Niemi mayın 6-da odun yığmaq üçün düşərgəni tərk edib və saatlarla geri qayıtmayıb.
Oğlunu düşərgədə axtaran, lakin tapa bilməyən valideynlər günortadan sonra təşvişə düşüb və polisə zəng edərək onun itkin düşdüyünü bildiriblər.
9 K9 polis itinin müşayiəti ilə 150 nəfərlik qrup havadan və qurudan ərazini araşdırmağa başlayıb, lakin 8 yaşlı Nanteni tapmaq mümkün olmayıb. Ərazidə cib telefonu əhatə dairəsinin olmaması axtarışı daha da çətinləşdirib.
Nantenin şagirdi olduğu Hurley məktəbinin könüllüləri də axtarışlara qoşulub.
Ştat polisi bildirib ki, oğlan bir müddət qarla örtülmüş kələ-kötür yolda gəzirdi, lakin sonda gözləməyin məntiqli həll yolu olduğuna qərar verdi.
Uşağın iti zəkası sayəsində sağ qala bildiyinə işarə edən polis, “Gecə şaxtalı soyuğa dözmək üçün üzərinə quru yarpaq və budaq görtüb, ağacların altında yatıb. Və təmiz qar yeməklə susuzluq problemini həll edib.”
Axtarış qrupları tərəfindən ailəsinə təhvil verilən 8 yaşlı uşağın səhhətinin yaxşı olduğu bildirilib.
Ailə axtarış-xilasetmə işlərində iştirak edən polisə və könüllülərə təşəkkür edib.
Nantenin xilas hekayəsi bu gün dünya mətbuatında böyük əks-səda doğurdu. Qəzetlər 8 yaşlı uşağın xilas edilməsini “möcüzə” kimi qiymətləndirib.
Mənbə: Yahoo.com