Müharibələr səbəbindən evlərindən qaçmaq məcburiyyətində qalan fələstinlilərin sığındığı Qəzza zolağındakı çadırlar güclü yağışdan sonra su altında qalıb.
Xan Yunis Bələdiyyəsinin rəsmiləri şəhərdə təxminən 900.000 insanın yaşadığı çadırların güclü yağış səbəbindən su altında qaldığını açıqlayıblar.
Xan Yunisin əl-Məvasi bölgəsindəki bəzi çadırların yağış nəticəsində dağıldığı, digərlərinin isə güclü külək tərəfindən uçurulduğu bildirilir.
“Şiddətli yağış Qəzza zolağının şimalındakı Cibaliya qaçqın düşərgəsindəki məcburi köçkün fələstinlilərin yaşadığı bir çox çadırı su altında qoyub” – deyə məlumatda yazılıb.
Həmçinin qeyd edilib ki, hücumlar nəticəsində evləri dağıdılan fələstinlilər, yağışdan sonra su və palçıq gölməçələrinin əmələ gəldiyi ərazidəki sərt hava şəraiti ilə də mübarizə aparırlar.
Mənbə: İlkha