İsrail döyüş təyyarələrinin blokada altındakı Qəzza zolağının bombardmanı nəticəsində bir fələstinli ölüb, 5 nəfər yaralanıb.
Fələstinin Zolaqdakı Səhiyyə Nazirliyi bu gün səhər saatlarında İsrail və Fələstinli qruplar arasında atəşkəsdən sonra İsrailin Qəzza zolağına hücumlarının balansı ilə bağlı qısa açıqlama yayıb.
Açıqlamada, dünən axşam saatlarında İsrail ordusunun başlatdığı hava hücumunda fələstinli Haşil Mübarəkin (58 yaş) öldüyü, 5 fələstinlinin isə yaralandığı paylaşılıb.
Yaralı fələstinlilərin vəziyyəti ilə bağlı məlumat verilməyib.
Xatırladaq ki, dünən səhər saatlarında İsrail həbsxanasında 87 gündür aclıq aksiyası keçirən fələstinli məhbus Hıdır Adnanın ölümündən sonra mühasirədə olan Qəzza zolağından İsrail istiqamətinə 30-dan çox raket atılıb.
Qəzzadan atılan raketlərin yaşayış məntəqələrinə düşüb.
Bu gün səhər saatlarında Qəzza zolağındakı müqavimət qrupları ilə İsrail arasında atəşkəsin əldə edildiyi bildirilib.
İsrail ordusundan verilən açıqlamada vəziyyətin qiymətləndirilməsi və komandanlığın əmrlərinə uyğun olaraq bölgədə “tam rejimə qaytarıldığı” qeyd edilib.