Bugun.tv xəbər verir ki, Spor Toto Super Liqanın 36-cı həftəsində MKE “Ankaragücü”nə 4:1 hesabı ilə qalib gələn “Qalatasaray” 2022-2023 mövsümünün bitməsinə iki həftə qalmış çempionluğunu elan edib.
Belə ki, Qalatasaray” tarixində 23-cü dəfə Türkiyə çempionluğunu qazanaraq mövsümünün qızıl medallarını əldə ediblər.
Şərhdə bildirilib ki, xallarının sayını 82-yə yüksəldən “cim-bom” ən yaxın izləyicisi “Fənərbağça”nı 5 xal qabaqlayır. “Bülbüllər” son matçda qalib gəlsə belə, liderə çata bilməyib.
Bununla “Qalatasaray” həm də 4 illik çempionluq həsrətinə son qoyub. Axırıncı dəfə “Aslan” 2018/2019 mövsümündə kuboku muzeyinə aparmışdı.
Qeyd edək ki, “Qalatasaray” cari mövsümün son oyununu iyunun 4-də öz meydanında məhz “Fənərbağça”ya qarşı keçirəcək.
Mənbə: Anadolu Agentliyi