Bugun.tv xəbər verir ki, çempionluq mübarizəsini davam etdirən “Qalatasaray”da fikir ayrılıqları başlayıb. Sarı-qırmızılılar mövsümün sonunda Serxio Oliveyra ilə yollarını ayıracaq.
Belə ki, bu mövsüm baş məşqçi Okan Burukla mübahisə edən portuqaliyalı futbolçu qısa müddətə heyətdən kənarda qalıb. Daha sonra üzr istəyən Oliveyra əfv olunsa da, heyətdə yer tapa bilməyib.
Qalatasaray rəhbərliyi gələn mövsüm Serxio Oliveyra ilə davam etməyəcək.
Klubla 30 iyun 2026-cı ilə qədər müqaviləsi olan təcrübəli futbolçu üçün təkliflər qiymətləndiriləcək.