Bugun.tv xəbər verir ki, Kırklareli, Ədirnə və Tekirdağda 7 ay ərzində qanuni limitdən artıq avtomobil alıb-satan 19 nəfər barəsində tədbir görülüb. 6585 saylı Pərakəndə Ticarətin Tənzimlənməsi Qanunu çərçivəsində Ticarət Nazirliyi ikinci əl motorlu nəqliyyat vasitələri ticarətini inkişaf etdirmək və istehlakçını qorumaq məqsədi ilə Kırklareli, Ədirnə və Tekirdağda yoxlama aparıb.
TRT Haber-in məlumatına görə, Türkiyə Notariuslar Birliyindən alınan satış məlumatları araşdırıldıqdan sonra aparılan yoxlamalarda Kırklarelidə 5 nəfərin icazə sənədi olmadan üçdən çox ikinci əl avtomobil satdığı müəyyən edilib. Yanvar-iyul ayları ərzində onlardan birinin 78, digərinin isə 55 avtomobil alqı-satqısı həyata keçirdiyi müəyyən edilib. Ədirnə və Tekirdağda İl Ticarət Müdirliyi qrupları avtomobil alqı-satqısı ilə bağlı yoxlamalar aparıb. Ədirnədə icazəsiz avtomobil alıb satan 6 nəfər, Tekirdağda isə 8 nəfər müəyyən edilib. Trakiyada qanuni limitdən artıq ticarət edən 19 nəfər barəsində tədbir görülüb. Bu satıcılardan özlərini müdafiə etmələri istəniləcək. Ticarət Nazirliyi bu şəxslərin müdafiəsini nəzərə alaraq onlara inzibati cərimələr tətbiq edə biləcək.
Müxbir: İntizar Əmirova