“Qarabağ” və “Qalatasaray” klubları arasında baş tutacaq oyunun biletləri bu gün saat 11:00-da satışa çıxarılıb. Artıq 50 minə yaxın bilet satılıb.
Bu barədə Bugun.tv-yə klubun mətbuat xidmətinin rəhbəri Gündüz Abbaszadə məlumat verib.
Qeyd edək ki, iki komanda arasında keçiriləcək qardaşlıq görüşü xeyriyyə məqsədi daşıyır. Oyundan əldə olunacaq bütün gəlirlər Türkiyədə baş vermiş zəlzələdən zərər çəkənlərə yardım üçün göndəriləcək.
Xatırladaq ki, oyun 26 mart tarixində Bakı vaxtı ilə saat 20:00-da tamaşaçı tutumu 68700 olan Bakı Olimpiya Stadionunda baş tutacaq.