Misli Premyer Liqasının XXXVI turunda “Qarabağ” “Turan Tovuz”u qəbul edəcək. Matç 28 may tarixində saat 19:30-da Azersun Arenada baş tutacaq.
Bu barədə Bugun.tv-yə Ağdam klubunun mətbuat xidmətinin rəhbəri Gündüz Abbaszadə məlumat verib.
Qeyd edək ki, Müstəqillik Günü münasibətilə oyuna giriş pulsuzdur. Bu qarşılaşma üçün yalnız VIP biletlər satışda olacaq.
Matçdan dərhal sonra “Qarabağ” komandasına çempionluq kuboku və qızıl medallar təqdim ediləcək.
Xatırladaq ki, oyun CBC Sport vasitəsilə canlı yayımlanacaq.