Bugun.tv xəbər verir ki, Azərbaycan Premyer Liqasının 31-ci turunda keçiriləcək “Qarabağ” – “Zirə” qarşılaşmasının biletləri sabah 11:00-dan etibarən onlayn şəkildə satışa çıxarılacaq.
Biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat təşkil edir.
Biletləri sabah yalnız iticket.az-dan onlayn almaq mümkündür. Oyun günü isə biletlər @iticket.az və “Azersun Arena”nın kassasında satışda olacaq.
Qeyd edək ki, qapılar azarkeşlər üçün matçın start fitindən 90 dəqiqə əvvəl açılacaq.