Cənubi Afrikanın Yohannesburq Beynəlxalq Hava Limanında bir qadın polisin radarına düşüb. Bütün faktlar 30 yaşlı Namibiyalı qadının üzərində çəkilən rentgenlə üzə çıxıb.
Braziliyanın San-Paulu şəhərindən Yohannesburq Beynəlxalq Hava Limanına gələn 30 yaşlı Namibiyalı qadın polis tərəfindən saxlanılıb. Adı açıqlanmayan qadın narkotik alverində ittiham olunub. Qadının polis əməkdaşları tərəfindən yerli xəstəxanaya çatdırılması və rentgen çəkilişi zamanı həqiqət üzə çıxıb.
Məlum olub ki, qadının üzərində ümumi çəkisi təxminən 850 qram olan 68 paket narkotik vasitə olub. Cənubi Afrika Polis Xidmətinin Milli Komissarı General Fannie Masemola mövzu ilə bağlı aşağıdakı açıqlamanı verib:
”Göy paltarlı kişi və qadınlarımız bədnam cinayətkarları tutmaq üçün çox çalışırlar. Cənubi Afrika cinayətkarlar və transmilli mütəşəkkil cinayətkarlar üçün oyun meydançası deyil.
“Biz cinayətkarların əhatə dairəsini daraldırıq və heç nəyi şansa buraxmırıq. “Qadının narkotik alveri və narkotik saxlamaq ittihamı ilə sentyabrın 25-də məhkəmə qarşısına çıxacağı gözlənilir.
Polis bildirib ki, bu, son iki ayda eyni hava limanında narkotik alverçisi olduğu iddiası ilə həbs edilən onuncu şəxsdir, Nigeriya vətəndaşı isə ötən həftə oxşar ittihamlarla həbs edilib.
Mənbə: TGRT