Bugun.tv xəbər verir ki, təbii fəlakət Malavidə baş verib.
Qasırğa səbəbi ilə ölənlərin sayı 1000-ə yüksəlib. Yarım milyondan çox insan evlərini tərk etmək məcburiyyətində qalıb.
Bu barədə ölkə prezidenti Lazarus Çakvera mətbuata açıqlamasında bildirib.
“Evlər, körpülər, məktəblər və iş yerləri dağılıb. Yollar, elektrik xətləri və əkin sahələrinə dağıntılar nəticəsində ciddi ziyan dəyib”, – o qeyd edib.
Çakvera ölkədə qasırğa səbəbi ilə iqtisadi fəaliyyətin də kəsildiyini vurğulayıb.
Mozambik və Madaqaskar da sözügedən təbii fəlakətdən mənfi təsirlənib. Mozambikdə 70-ə yaxın adam ölüb.
Ümumdünya Meteorologiya Təşkilatı fevral ayında başlayan və bir aydan çox davam edən Freddy qasırğasının tarixin ən uzun sürən qasırğası ola biləcəyini açıqlayıb.
Mənbə: NTV haber