10 milyondan çox insanın işıqsız qaldığı Kuba “Rafael” qasırğası səbəbindən yenidən qaranlığa qərq olub. 3-cü kateqoriya səviyyəsinə yüksələn “Rafael” qasırğası 10 milyon əhalisi olan Karib adasına düşüb. Səlahiyyətlilər qasırğa ilə əlaqədar əhaliyə daşqınlar barədə xəbərdarlıq edib. Oktyabrın 18-də Kubada Antonio Guiteras Elektrik Stansiyasında baş verən nasazlıq səbəbindən milyonlarla insan işıqsız qalıb. Oktyabrın 20-də quruya çıxan “Oskar” tropik qasırğası səbəbindən uzun müddət işıqsız qalan Kubanı bu dəfə “Rafael” qasırğası vurub.
3-cü kateqoriya səviyyəsinə yüksələn “Rafael” qasırğası 10 milyon əhalisi olan Karib adasına düşüb. Hakimiyyət orqanları qasırğa ilə əlaqədar əhalini daşqınlarla bağlı xəbərdar etdiyi halda, ölkənin 15 rayonundan 9-da həyəcan təbili çalılıb. Artemisa bölgəsində fırtınadan ən çox zərər çəkən Candalaria qəsəbəsində güclü külək nəticəsində ağaclar aşıb.
Artemisa və Pınar del Rio əyalətlərində 70 mindən çox insan evlərindən təxliyə edilərkən, təxminən 2 milyon əhalisi olan paytaxt Havanada küçələr boş qaldı və nəqliyyat xidmətləri dayandı. Kuba prezidenti Miguel Diaz-Canel sosial media hesabından verdiyi açıqlamada ordunun da hərəkətə keçdiyini bildirərək, “Rafael qasırğası ilə mübarizə üçün Milli Müdafiə Şurasına tapşırıq verdik. İnsanlarımızı və maddi imkanlarımızı qorumaq üçün hər yerdə tədbirlər görüldü. İnqilabdan bəri həmişə etdiyimiz kimi bu vəziyyətdən çıxacağıq” deyib.
“Oskar” tropik fırtınasından təxminən 3 həftə sonra “Rafael” qasırğasının vurduğu ölkədə son bir ayda ikinci dəfə elektrik kəsilməsi yaşanıb. Güclü külək nəticəsində ölkədə elektrik şəbəkəsinin dağılması nəticəsində ölkə üzrə təxminən 10 milyon insan işıqsız qalıb. Səlahiyyətlilər infrastrukturun təmiri üçün səylərini sürətləndirdi. Milli enerji şirkəti Union Electrica, sosial media hesabından etdiyi şərhdə, sistemin güclü külək səbəbiylə çökdüyünü bildirdi.
Kubanın Matanzas şəhərindəki Antonio Guiteras Elektrik Stansiyasında ilk dəfə 18 oktyabr cümə günü günorta saatlarında baş verən nasazlıq səbəbindən təxminən 10 milyon insan qaranlıqda qalıb. Təxminən 2 milyon əhalisi olan paytaxt Havana tam qaranlığa və sükuta qərq olarkən, şəhərin müxtəlif yerlərində əsgərlər yerləşdirilib. Elektrik enerjisinin kəsilməsi ilə əlaqədar Havana sakinləri qazan və tavalarla hökumətə etiraz ediblər. Şəhərin elektrik şirkətindən verilən açıqlamada, oktyabrın 21-i axşam saatlarından etibarən günlərdir qaranlığa qərq olan Havananın 90 faizinə elektrik enerjisinin verildiyi bildirilib.
Mənbə: Hurriyet.Tr