Bugun.tv xəbər verir ki, Elazığda qatar yüngül ticari avtomobilə çırpılıb. Yaralı sürücü xəstəxanaya aparılarkən, tarlada gizlətdiyi tütün polis əməkdaşları tərəfindən aşkar edilərək götürülüb.
Hadisə saat 05:00 radələrində mərkəzin Durupınar kəndi ərazisində baş verib. Malatyadan Elazığ istiqamətinə hərəkət edən yük qatarı həmsəviyəli keçiddən keçməyə çalışıb. Həmin anda H.K. tabeliyində olan yüngül ticari avtomobilə dəyib.Toqquşmanın təsirindən avtomobil sahəyə atılıb, sürücüsü isə yaralanıb.
Maşınist məlumat verdikdən sonra hadisə yerinə təcili tibbi yardım və polis əməkdaşları göndərilib. Lakin bu vaxt xəsarət alan sürücü canı əvəzinə daşıdığı qaçaqmal tütünü gizlətməkdən narahat olub. Maşından düşən sürücü polis gələnə qədər 30 kisəyə, 160 kiloya yaxın qanunsuz doğranmış tütünü götürərək sahəyə aparıb. Üzərini isə parça ilə örtüb gizlədib. Daha sonra hadisə yerinə gələn təcili tibbi yardım maşını ilə sürücü xəstəxanaya aparılıb və ona tibbi yardım göstərilib. Tarlada gizlədilən qaçaq tütün, hadisə yerinə gələrək araşdırma aparan “Hankəndi Jandarma Stansiya Komandirliyi” əməkdaşlarının gözündən yayınmayıb. Polis tütünə əl qoyub.
Digər tərəfdən Adıyamandan Elazığa gəldiyi öyrənilən sürücünün Elazığ-Malatya avtomobil yolu üzərindəki “Hankəndi Jandarma Nəzarət Məntəqəsi”-də yaxalanmamaq üçün kənd yolundan istifadə etdiyi iddia edilib.
Müxbir: İntizar Əmirova
Mənbə: TRT Haber