Qazaxıstan Prezidenti Kasım-Jomart Tokayev Çinin qlobal süni intellekt (AI) əməkdaşlıq təşkilatının yaradılması təşəbbüsünü dəstəkləməyi təklif edib.
Bugun.tv “Kazinform” agentliyinə istinadla xəbər verir ki, bu təkliflə avqustun 11-də Qazaxıstan Prezidenti hökumət üzvləri və mərkəzi dövlət qurumlarının rəhbərləri ilə görüşündə çıxış edib. O qeyd edib ki, Çin Xalq Respublikası süni intellekt idarəetməsinə çoxtərəfli yanaşmanı təşviq etmək, rəqəmsal boşluğu azaltmaq, etika və süni intellektin davamlı tətbiqini inkişaf etdirmək üçün qlobal AI əməkdaşlıq təşkilatının yaradılması təşəbbüsü ilə çıxış edib. “Hesab edirəm ki, Çinin belə bir təşkilat yaratmaq təşəbbüsü dəstəklənməlidir və biz də hazırlıq işlərinə qoşulmalıyıq. Bu, ölkəmizin maraqlarına uyğundur”, -deyə dövlət başçısı bildirib.
Mənbə: AZƏRTAC