Qazaxıstanda parlament seçkiləri keçirilir. Seçici fəallığı saat 20:00-a (Bakı vaxtı ilə 18:00) olan məlumata görə 54,09% təşkil edib.
Bugun.tv xəbər verir ki, bu barədə yerli Mərkəzi Seçki Komissiyasının katibi Muxtar Yerman brifinqdə deyib.
Səsvermə seçici fəallığından asılı olmayaraq, etibarlı hesab ediləcək. Vaxt fərqinə görə bəzi rayonlardakı seçki məntəqələri gec açıldığı üçün bir saat sonra bağlanacaq.
Qeyd edək ki, Qazaxıstan parlamentinin aşağı palatasında yerlər uğrunda 7 siyasi qüvvə mübarizə aparır. Erkən seçkilər qarışıq sistem əsasında keçirilir. Qanunvericilərin 70%-i partiya biletləri ilə, 30%-i isə bir mandatli seçki dairələri üzrə müəyyən edilir.
Mənbə:TASS